News

የኢትዮጵያ የደረጃዎች ኤጀንሲና የኢትዮጵያ ብሔራዊ አክሪዲቴሽን ጽ/ቤት ሠራተኞችና የማኔጅመንት አባላት ጀግናው የአገር መከላከያ አባላት ላይ ጥቅምት 24ቀን 2013ዓ.ም የተፈጸመውን አረመኔያዊ ግፍና ጭፍጨፋ አንደኛ ዓመት በጋራ አሰቡ

ሠራተኞቹና የማኔጅመንት አባላቱ ዛሬ ጥቅምት 24 ቀነ 2014ዓ.ም በኢዮጵያ የደረጃዎች ኤጀንሲ አዳራሽ በጋራ ባካሔዱት ፕሬግራም ጀግናው የአገር መከላከያ ሰራዊት ጥቅምት 24 ቀን 2013ዓ.ም የተፈጸመበትን ግፍ ቀኝ እጅን በግራ ደረት ላይ በማድርግ የአንድ ደቂቃ የህሊና ጸሎት በማድረግ አስበዋል

“አረሳወም እኔም የኢትዮጵያ ሠራዊት ነኝ” በሚል መሪ ቃል በተካሔደው በዚህ ጀግኖቹን የመከላከያ ሰራዊት አባላት የማሰብ ፕሮግራም ላይ የኢትዮጵያ የደረጃዎች ኤጀንሲ ምክትል ዋና ዳይሬክተር አቶ ቦንሳ ባይሳ ባስተላለፉት መልዕክት ፓርቲ ያልፋል ሃገርና የሃገር መከላከያ ሰራዊት ግን የሃገር ደጀን በመሆናቸው እንዲህ አይነት ግፍ ሊፈጸም አይገባም ነበር ብለዋል

መከላከያ የሌለው ሃጋር አጥር የሌለው ቤት ማለት ነው ያሉት ምክትል ዋና ዳይሬክተሩ መከላከያችን ሲጠቃ ምንም አቅም የሌላቸውና ቦታ የማንሰጣቸው ሃገሮች እንኳን ሊወሩን አስበዋል ሲሉም ተናገርዋል

ወቅቱ በጋራ የምንቆምበት ነው ያሉት አቶ ቦንሳ መንግስት ያወጣውን አስቸኳይ ጊዜ አዋጅም ሠራተኛው በአግባቡ ተገንዝቦ አካባቢውንና ተቋሙን ሊጠብቅ እንደሚገባና ሥራውንም በተገቢው መንገድ ሊያከናውን ይገባለ ብለዋል

ሁሉም ሰራተኛ ራሱን ካልተረጋገጡ ወሬዎች በመጠበቅ ለሃገሩ ዘብ መቆም እንደሚገባውና የአስቸኳይ ጊዜ አዋጁ በተገቢው ሁኔታ እንዲተገበው የሁሉም ሃላፊነቱን ሊወጣ እንደሚገባም ተመልክቷል

ተቋማቱ ጀግናው የመከላከያ ሰራዊት ላይ የተፈጸመውን ግፍ አንደኛ ዓመት ጥቅምት 24 አሰቡ